NOK – Ingenting hjelper….
Rentemøte
Rentemøte i Noregs Bank i morgon, og det er sjølvsagt venta uendra rente. Dette er eit mellommøte og berre pressemelding vil bli offentleggjort. Til tross for at NOK både er 2,5 % svakare enn NB sine prognoser, samt at dei siste arbeidsmarknadstalla samt inflasjon også var betre enn venta frå NB si side, trekker ein del andre ting renta andre vegen. Oljeprisen er noko lågare enn NBs anslag, vekstanslaga internasjonalt er nedjustert, statsbudsjettet vart strammare enn venta, og BNP for Q3 her på berget er også noko lågare enn venta. Samtidig har nok internasjonal usikkerheit blitt noko redusert sidan september, med positiv utvikling både kring Brexit og Handelskrigen mellom USA og Kina. Summa summarum tyder dette på at NB vil skissere at utviklinga i økonomien har vore om lag som venta og at renta vil haldast i ro den nærmaste tida.
Les mer
Rentemøte Noregs Bank 19.09.19
På førre rentemøte i august uttalte sentralbanksjef Olsen at norsk økonomi har utvikla seg om lag som venta etter pengepolitisk rapport i juni, men at den internasjonale usikkerheita har auka som følgje av intensivert handelskrig, Brexit og svakare vekstutsikter. Signalet han kom med er at renteutsiktene den nærmaste tida er lite endra, men at risikobiletet internasjonalt gjev auka usikkerheit kring renteutsiktene framover. Han unnlét å konkretisere noko særskilt om ei eventuelt renteauke no i september, og følgjeleg har pressemeldinga blitt tolka ulikt blant marknadsaktørane. Per tidspunkt er det både blant analytikerkorpset samt i marknadsprisinga forventa eit 50/50 sannsyn for renteauke på 25 bp. I det ligg det at me vil kunne forvente markante bevegelsar både i NOK og renter uansett utfall i morgon. Med NOK under press dei siste to månadane grunna risk off, er det i alle fall grunn til å tru at effekten vil vere større ved uendra rente enn ved heving. Det kan vere greitt ha i bakhovudet.
Les mer
NOK – Norsk økonomi går bra, ute går det verre…..
- Norske nøkkeltal på den sterke sida, og det ligg an til fleire renteaukar frå NB.
- Lågare global vekst, lågare globale rente- og inflasjonsforventningar tynger NOK.
- FED vil kutte renta i haust, dette har svekka USD.
- Moglege kutt også frå ECB seinare i haust, potensielt også meir QE?
- Oljeprisen har stege i det siste, men er skjør i forhold til ei opptrapping av handelskrig og økt proteksjonisme.
Les mer
Rentemøte i Noregs Bank
Noregs Banks rentebeslutnad og nye rentebane vil bli offentleggjort komande torsdag klokka 10.00. Det blir utvilsamt ei renteheving på 25 bp på det komande rentemøtet, men det knyter seg stor spenning til den nye rentebana for prognoseperioden. Vi trur at NB vil auke sannsynet for ei ytterlegare renteauke til eit tidlegare tidspunkt, dvs. ca. 50/50 for september versus desember, samt at globale faktorar truleg vil tynge rentebana i den lange enden. I beste fall vil den lange enden vere upåverka, det vil seie to ytterlegare hevingar i prognoseperioden, men lågare globale inflasjons-, vekst- og renteforventningar har auka sannsynet for ei nedjustering av rentebana i den lange enden. Me trur likevel NB held rentebana uendra i den lange enden i denne runda, men oppjustera rentebana i den korte enden sidan utviklinga i norsk økonomi har vore noko sterkare enn venta.
Les mer
Noregs Bank – hauken i dueflokken.
Noregs Bank leverte som venta ein renteauke på 25 bp i dag. I går la vi fram ei forventning til ny rentebane som indikerte at den lange enden ville bli nedjustert med 25 bp, slik at vi for prognoseperioden kunne vente oss fire renteaukar på 25 bp i staden for fem slik rentebana for desember viste. I tillegg spådde vi at neste renteauke ville kome tidlegare enn det som no låg til grunn(desember), noko den nye rentebana også bekrefta. Noregs Bank opnar til ei viss grad opp for ein renteauke allereie i juni, men september framstår som det mest sannsynlege scenarioet. Noregs Bank har difor mest vektlagt innanlandske forhold i den korte enden av rentebana. Norske makrotal tilseier eigentleg ei høgare rentebane, noko NB hensyntek. Over tid er det uansett grunn til å tru at norsk økonomi i større grad vil bli påverka av konjunkturane ute, og me fekk derfor ei svak nedjustering i den lange enden.
Les mer
Noregs Bank – ein hauk blant duer.
Det går rimeleg bra i norsk økonomi. Og det har det gjort ei stund, utan at det nemneverdig har slått ut i marknadsprisinga. Korkje i NOK eller i norske renter. Bekymring kring global vekst og geoplitisk- og politisk- usikkerheit har tynga appetitten for NOK, og det vil det nok framleis gjere framover. Me trur uansett på ei viss form for reprising av den norske krona og norske renter i kjølvatnet va morgondagens rentemøte. NB vil heve renta i morgon med 25 bp og framleis bekrefte at norske renter skal vidare opp, men i små og gradvise steg. I forhold til marknadsprisinga skal det mykje til for NB å skuffe marknaden i morgon, men det knytter seg stor usikkerheit til kva NB vil levere i den nye rentebana. Nasjonale forhold tilseier ei auka rentebane, medan internasjonale forhold tilseier ei lågare rentebane. Det er difor store sprik mellom kva meglerhusa forventar i neste prognoseperiode. NOK har styrka seg litt dei siste 14 dagane, mellom 1-2 % mot dei fleste valutaer. Det skuldast nok at marknaden prisar inn morgondagens auke, samt har noko meir tiltru til høgare renter framover. Me tur uansett det kan vere rom for meir, sjølv om me også forventar ei lågare rentebane i den lange enden. Ein skal ikkje undervurdere kva ei fysisk renteendring gjere med psykologien i marknaden, og med ein sentralbank som faktisk hevar renta og samtidig bekreftar små og gradvise renteaukar framover, er det vanskeleg å tru på noko anna enn at appetitten for NOK vil kunne auka i denne runda. Så kva med den nye rentebana ? ;
Les mer
Noreg og NOK – Nothing really matters……
Over dei siste par åra har me ved fleire høve sett markante NOK svekkingar. Årsaksfaktorane har variert, men me kan no oppsummere så godt me kan det som har vore nemnd som dei viktigaste. Frå mars til juni 2017 gjekk me frå om lag 9,00 til 9,50 mot EUR, og årsaka var i hovudsak skuffande norske inflasjonstal i mars. I oktober same år blei marknaden bekymra for at bustadprisane i Noreg kom til å falla markant, og me gjekk frå ca. 9,25 i oktober til ein topp kring 9,99 i desember. I 2018 gjekk me frå årsbotnen 9,40 til om lag 9,80 mellom midten av juli til byrjinga av september. Rufs kring Italia, innføring av tollbarrierar Kina/USA, Brexit, Tyrkia(politisk/geopolitisk uro) var vel det som tynga mest denne perioden visstnok. Og etter å ha styrka seg att til 9,45 i oktober, vart det då ei ny runde NOK svekking grunna frykt for global vekst, lågare renteforventningar internasjonalt. Me fekk eit markant børsfall over heile fjøla med tilhøyrande fall i oljeprisen på mellom 30 og 40 %, og NOK nådde ein topp på 10,06 i desember. I all hovudsak kan me i alle fall konkludera med at alle rundar med NOK svekkingar over dei siste par tre åra har skyldast heilt andre ting enn norske makroøkonomiske forhold. Og marknadssentimentet/risikovilje (politikk/børs/oljepris) har gått igjen som forklaringsvariabel.
Les mer
Noreg – Lykkeland……
NRK kom med ein ny serie i fjor haust som handla om starten på det norske oljeeventyret, og som vart kalla «Lykkeland». Eit høveleg namn, og funn av olje blei starten på det velstandseventyr som me har opplevd her på berget dei siste 50 åra. Oljeverksemd blei ein dominerande faktor i norsk økonomi, og er framleis Noregs største næring målt i verdiskaping, statlege inntekter, investeringar og eksportverdi. Totalt sett sysselset petroleumssektoren ca. 175-200k personar direkte eller indirekte, og for 2019 vil den vere den viktigaste vekstdrivaren i norsk økonomi. Noko dagens veksttal for 4 kvartal er eit godt døme på. Veksten for 4 kvartal blei 0,9 % k/k, mot venta 0,7 % k/k frå Noregs Bank si side, og petroleumssektoren var den viktigaste bidragsytaren.
Les mer
Januar 2019 – nesten “same procedure as last year”….
Etter å ha fått juling i desember har NOK styrka seg markant mot dei fleste valutaer i januar. EURNOK, USDNOK og CHFNOK er ned kring 40 øre frå toppen i desember, og me ser om lag tilsvarande utvikling som me gjorde i fjor. Forskjellen er at me då starta på eit noko lågare utgangspunkt og me på denne tid handla så vidt over 9,50 i EURNOK. Bevegelsen målt i øre er om lag lik. NOK styrkinga har fleire årsaker, men hovudrivaren verkar å vere ei betring i det globale risikosentimentet, som hovudsakeleg har vore det som har tynga NOK over dei siste to-tre månadane.
Les mer
Prognosar fyrste halvår 2019
I ei verd prega av stor finansusikkerheit så er det ikkje så enkelt å kome med spådomar om korleis marknaden vil utvikle seg i fyrste halvår når så mange marknadstema er uavklart. Me har handelskonflikta som marknaden ynskjer ei avklaring kring, me har Brexit som ein framleis ikkje klarar einast om, og me har avmatande globale vekstutsikter som marknaden fryktar kan ende i global resesjon litt opp og fram. Det er likevel ein del ting som tyder på at fyrste halvår ikkje nødvendigvis kjem til å bli like turbulent som marknaden tilsynelatande frykta i desember. For børs og NOK kan me nemna følgande;
Les mer
Norsk Økonomi i 2019
- Norsk økonomi ser ut til å veksa over trend også i 2019. Dersom me får landa både handelsavtale mellom USA og Kina og ein mjuk Brexit verkar det som Norsk Økonomi kan veksa meir i 2019 enn i 2018.
- Veksten vil hovudsakeleg bli drive av høgare oljeinvesteringar, noko betre lønsvekst samt ei sterkare offentleg satsing på infrastruktur.
- Arbeidsmarknaden vil nok strammast til ytterlegare, men med bra jobbvekst og stadig høgare kapasitetsutnytting ute i bedriftene så vil nok ledigheita gå ned i ei lågare takt framover.
- Inflasjon fortset stadig og overraske på oppsida av Norges Banks forventningar. Noko skuldast svak NOK, men også det innanlandske prispresset har tatt seg jamt opp.
- Noregs Bank ser føre seg å auka renta to gongar i 2019, i mars og september/desember, og to til i perioden 20-21. Mars auken er me i alle fall rimeleg sikre på kjem. 20-21 er langt opp og fram til basert på usikre internasjonale forhold.
- Me ventar at oljeprisen vil fortsetta mot 70 USD fatet i 2019, og at rentedifferansen mot utlandet vil auka i favør NOK. Dette er tradisjonelt NOK drivarar, som burde ta NOK sterkare.
Les mer
2019 – I glaskula til Multi Markets.
Internasjonalt
- Den globale veksten vil avta ytterlegare, men me ser ikkje føre oss noko resesjonsfare det neste året. Til tross for indikasjonar på resesjon, blant anna ei invertert rentekurve i USA, er resesjonspøkelset lenger opp og fram enn 2019. Dog vil det vere eit tema på agendaen spesielt andre halvår 19.
- Me ventar at USA og Kina blir samde om ei handelsavtale i løpet av fyrste halvår 2019.
- Politisk risiko kring Brexit og Italia vil nok dominere nyhendebiletet ei periode til, men avta etter kvart, samstundes som dei økonomiske konsekvensane av uroa bør vere begrensa.
- Framveksande økonomiar vil framleis slite grunna stigande amerikanske renter og høg gjeld, men me ventar ingen spin off effektar.
- Når det gjeld pengepolitikk vil dette framleis divergere i favør USA som er i tilstrammingsmodus. Japan og EU sit på sidelinja, og vil gå varsamt fram, sidan inflasjonspresset framleis er begrensa. I EU har derimot lønnsveksten tatt seg godt opp, og me ventar tiltakande inflasjon på sikt. Dette vil endre biletet særskilt i EURUSD utover i 2019.
Les mer
Oljeprisen – ned 25 % på 6 veker.
For 6 veker sidan nådde vi ein topp i oljeprisen på nesten 86 USD fatet, og vi handlar no 63 USD fatet. Det er ein nedgang i pris på omlag 24 %. Det er heftig, særskilt på så kort tid, og når verdsøkonomien eigentleg går nokolunde bra. USDNOK var 8,16 når oljeprisen var 86 USD fatet, og det gir ein oljepris i NOK på 701 NOK fatet. Målt i NOK er det eit oljeprisnivå vi knapt har sett i historia. Ein må tilbake til 2014 når me hadde oljeprisar kring 120 USD fatet og 6,00 i USDNOK for å finne tilsvarande NOK prisar. Ein treng ikkje vere rakettforskar for å skjøne at det er bra for AS Norge. Når ein i tillegg veit at oljebransjen jamt over har redusert kostnadar med 20 – 30 % dei siste åra, så gjere det ikkje akkurat situasjonen dårlegare. Av den grunn veks også oljeinvesteringane, og for 2019 er det venta ein vekst på 10-12 %
Les mer
Oljeprisen tyngar NOK
- Litt svakare NOK førre veke til tross for eit noko meir positivt børsentiment. Fallet i oljeprisen verkar å vere det som held NOK på den svake sida.
- Noko betre børsentiment burde kunne løfta EURUSD litt førre veke også, men svake europeiske tall, samt politisk uro fortsett å tynge EUR.
- No når mellomvalet i USA er overstått har børssentimentet betra seg ytterlegare, og me har sett noko svakare USD i og med at gjennomføringskrafta for Trumps politikk blir svekka av at han har mista Representantanes Hus til Demokratane.
Les mer
Uroleg oktober – tiltakande volatilitet.
Italia
Det italienske statsbudsjettet er framleis ein viktig drivar for marknadssentimentet sidan kommisjonen i EU ikkje aksepterte budsjettet, og bedde Italienarane om at forslaget blei revidert. EU vil dermed følgje Italia med argusauge framover, og utviklinga i denne saka vil framleis prege marknaden framover. Dei tre største ratingselskapa unnlèt derimot og nedgradere Italiensk statsgjeld no i oktober, slik at den framleis har investment grade status, og til tross for negative utsikter skal det mykje til om me får ei nedgradering på eit seinare tidspunkt.
Les mer
NOK tilbake i range.
- EURNOK er tilbake i range. Det fundamentale ser bra ut for NOK, men eit svakt risikosentiment hindrar NOK styrking.
- Me trur at Riksbankens rentemøte blir viktigare for NOK en Noregs Bank sitt møte denne veka.
- Noko sterkare USD siste par dagar grunna økt geopolitisk risiko, men EURUSD framleis i 1,1450-1,1750 rangen me stort sett har sett i år.
Les mer
NOK med frisk bris i segla
- Litt betra risikosentiment og høgare oljepris
- Spekulantane på bana og kjøper NOK att.
- Det fundamentale i norsk økonomi er framleis sterkt, men internasjonale forhold held den markante NOK styrkinga att.
- Handelskonfliktar, Brexit og budsjettproblematikk i Italia tyngar marknaden, og vil vere fokus i oktober.
Les mer
Noregs Bank – ein potensiell gamechanger for NOK?
Ser ein på utviklinga i norsk økonomi har ikkje det gitt særleg støtte til NOK i 2018. Det er særleg det internasjonale risikosentimentet som i stor grad har styrt NOK bevegelsane så langt i år. Det komande rentemøtet i Noregs Bank har potensial til å kunne styrke NOK, men vil NB levere ei rentebane som har potensial til å bli ein gamechanger for NOK i 2018 eller vil internasjonale forhold framleis vere hovuddrivaren framover? Den som leve får sjå. Det einaste som er sikkert er at det komande rentemøtet vil gi NOK ei viss form for støtte, men ser ein 2018 under eitt verkar dei internasjonale forholda såpass usikre at risikopremien på NOK mest truleg ikkje forsvinn med det fyrste. Når det er sagt, så ser 2019 ekstremt lovande ut for norsk økonomi, og jo fleire handelsavtalar Trump og USA landar framover, jo betre risikosentiment, og jo lysare ser det ut. Det må på eit eller anna tidpunkt også slå ut i sterkare NOK. Før eller seinare.
Les mer
NOK – 2 månader med samanhengande motvind over sumaren.
Norske kroner har svekka seg mykje mot dei største valutaene sidan 1 juli 2018. Her følger ein oversikt over bevegelsen i dei mest handla kryss mot NOK over sumaren. Samt snittkursar for året i dei same kryssa. NOK svekkinga er ikkje eit resultat av fundamentale norske forhold, men eit resultat av meir uro internasjonalt. Noko eg vil forsøke vise. I tillegg er der ein viss samanheng i turbulente tider til at NOK/SEK blir sett litt under eitt, og med stor usikkerheit tilknytt svensk økonomi, og politiske situasjon har det prega NOK over sumaren til tider.
Les mer
NOK famlar i blinde…..
- NOK og SEK slit i eit stadig meir utfordrande risikosentiment…
- Usikkerheit kring det svenske valet tyngar skandinaviske valutaer
- Riksbanken seier neste renteauke kjem i desember eller februar, og nedjustera rentebana med inntil 7bp i prognoseperioden.
- Noregs Bank vil heve renta med 25 bp på komande rentemøte 20 september.
Les mer
NOK - Ikkje ei norsk historie..
Importvekta har NOK faktisk styrka seg noko over den siste veka grunna betra risikosentiment og stigande oljepris. Handelsvekta er NOK omlag 0,5 % sterkare målt ved I44, noko som hovudsakleg skuldast ei styrking mot USD på i overkant av 2 %. I tillegg har nedgang i GBPNOK og JPYNOK bidratt. Dog er dette snarare ei EURUSD, EURGBP og EURJPY historie enn ei NOK styrking, og summa summarum har me stort sett ei kontinuerleg NOK svekking over dei siste par månadane om me ser bort frå dei siste 5-8 dagane. Her følgjer ei lita oppsummering av den siste veka;
Les mer
Valutaoppdatering
EURSEK
Vanskeleg vere positiv til SEK på kort sikt etter inflasjonstalla i juli på 1,3 %. Det er godt under Riksbankens anslag, om ein justera for oppsvinget i energiprisar, og vil nok medføre at Riksbanken utset den førespegla renteauken i desember 18. SEK slit også med stigande internasjonal risikoaversjon, samt usikkerheit rundt valet den 9 september som kan vise seg å bli relativt dramatisk. Dette bidreg til eit dårleg SEK klima i Q3, og me ser føre oss ein 10,20-60 range ut året i hovudsak
Les mer
Valutaoppdatering
EURNOK
På rentemøtet i Juni stadfesta Noregs Bank ein renteauke på 25 bp i september, og løfta rentebana med minimum 5 bp for 2019 og 2020. Dette burde gitt ei markant sterkare krone, og me er særs overraska over at vi ikkje har etablert oss under 9,40. Handelskonfliktar, svakare internasjonal vekst, oljepris under press og tradisjonelt sesongmessig svak NOK i Juli kan nok forklare dette. Når likviditeten og aktiviteten tek seg opp utover i august, er me rimeleg overtydd om at NOK skal kunne gå sterkare mot dei fleste valutaer. Risk er sjølvsagt at handelskrigen eskalerer utover alle proporsjonar framover, eller eit ytterlegare markant fall i oljeprisen. I Q3 ventar me handel hovudsakleg i 9,30-50 rangen, og eit potensielt brot på nedsida av 9,30.
Les mer
Riksbanken
Det er rentemøte i Sverige komande tysdag og det knytte seg sjølvsagt ein del spenning rundt kva som skjer med den nye rentebana. Riksbanken nedjusterte denne seinast i april i år, og indikerte fyrste renteauke desember 2018. Marknaden har ikkje særleg tru på dette, og trur Riksbanken må vente til godt ut i 2019 før renteauka kjem. Fleirtalet har med andre ord tru på at rentebana vil nedjusterast igjen, men me stille oss litt tvilande til at det skjer allereie på dette møtet.
Det verkar meir sannsynleg å eventuelt gjere ei justering i september i staden, og heller kommunisere til marknaden i denne runda at utviklinga sidan sist har vore på den svake sida. Fasiten får me 3 juli.
Les mer
And the Winner is Norges Bank…
Førre torsdag la Noregs Bank fram si nye renteprognose, ei prognose som i utgangspunktet burde vore tolka som tilstrammande i marknaden. NB spikra septemberheving med 25 bp, og la fram ei meir eller mindre uendra rentebane for prognoseperioden 19-21, som i praksis vil seie to renteauker på 25 bp per gong årleg i perioden. I praksis vil det seie at me må forvente ei styringsrente på 2,0 % innan sumaren 2021. Ei september auke var berre prisa inn med om lag 60 % sannsyn i forkant, og det var elles innprisa i underkant av 25 bp i aukar årleg for prognoseperioden. Summa summarum burde difor torsdagens møte medført ei markant sterkare krone, noko som ikkje skjedde. Så kvifor ikkje?
Les mer
Vekerapport 23/2018
The mother of all macroweeks is done, it`s time to summarize….
Norge
Norges Bank har nok kome til den erkjennelsen at dagens pengepolitikk er for ekspansiv og at det no er dags for høgare renter. Veksten i norsk økonomi er høgare enn trendvekst, arbeidsmarknaden strammast ytterlegare til, kapasitetsutnyttinga er tiltakande, og lønnsveksten stig. Noko som igjen vart stadfesta av det regionale nettverket på tysdag. NB har tidlegare kommunisert at dei i pengepolitikken må avveie inflasjonsutsiktene mot utsiktene for produksjon og sysselsetting. Med andre ord, NB er ikkje like bekymra for låg inflasjon når utviklinga i realøkonomien er god. Implisitt betyr det at i periodar der det går underliggande godt i norsk økonomi vil NB bruke lenger tid på å få inflasjonen opp mot målet, og hensynet til eventuell oppbygging av finansielle ubalansar vil vege tyngre. Me er no i ein situasjon der bustadprisane stig, og gjeldsveksten aukar meir enn hushaldningane sine inntekter. Noko også IMF har uttrykt bekymring rundt.
Les mer
Vekerapport 22/2018
Sommaren er her…
Vèrmessig har den vore her ei stund allereie sjølv om det no meldast om lågtrykk neste veke på disse kantar. Blir det gråvêrsdagar også for NOK framover? Mykje avgjerast denne veka med regionalt nettverk og inflasjonstal, og resultatet av Noregs Bank veka etter. Samstundes har me neste veke rentemøte i både USA og Eurosona, og sjølv om ei renteauke er spikra i USA, og ECB var forventa fram til i førgårs og vere relativt nøytrale, knyttar det seg no vesentleg meir spenning til desse to møta enn det gjorde førre veke. ECB medlem Praet framsto meir haukete i si tale denne veka, og marknaden byrja å tru på at me kunne få vite noko rundt avslutninga og utviklinga for QE allereie på neste rentemøte. Frå USA knyttar det seg stor spenning til om det blir berre tre eller fire renteaukar i år, og vegen vidare for 2019. Denne veka vil avgjere mykje av kva me kan forvente av bevegelsar over sommaren. Og på toppen av det heile, har me G7 møtet i helga, der handel og tariffar sikkert nok vil stå øvst på agendaen. Me får ta ein ting av gongen;
Les mer
Vekerapport 41/2017
Skrevet av Kay Ove Hafsås/Ålesundkontoret
"To hell with circumstances, I create opportunities” - Bruce Lee
Grafane nedanfor måle importvekta kronekurs mot 44 valutaer, I44, historisk sett. Når grafen er høg er NOK svak, og når den er lav er NOK sterk. Som vi ser var NOK på sitt sterkaste i 2012, medan vi no handlar NOK i eit intervall som er om lag det svakaste vi har sett dei siste 35 åra.
Les meir