Kan vi hjelpe deg?

Vi handler i aksjer, valuta, indekser, råvarer

Oljeprisen tyngar NOK
  • Litt svakare NOK førre veke til tross for eit noko meir positivt børsentiment. Fallet i oljeprisen verkar å vere det som held NOK på den svake sida.
  • Noko betre børsentiment burde kunne løfta EURUSD litt førre veke også, men svake europeiske tall, samt politisk uro fortsett å tynge EUR.
  • No når mellomvalet i USA er overstått har børssentimentet betra seg ytterlegare, og me har sett noko svakare USD i og med at gjennomføringskrafta for Trumps politikk blir svekka av at han har mista Representantanes Hus til Demokratane.

Les mer


Uroleg oktober – tiltakande volatilitet.

 

Italia

Det italienske statsbudsjettet er framleis ein viktig drivar for marknadssentimentet sidan kommisjonen i EU ikkje aksepterte budsjettet, og bedde Italienarane om at forslaget blei revidert. EU vil dermed følgje Italia med argusauge framover, og utviklinga i denne saka vil framleis prege marknaden framover. Dei tre største ratingselskapa unnlèt derimot og nedgradere Italiensk statsgjeld no i oktober, slik at den framleis har investment grade status, og til tross for negative utsikter skal det mykje til om me får ei nedgradering på eit seinare tidspunkt.

Les mer


 NOK tilbake i range.
  • EURNOK er tilbake i range. Det fundamentale ser bra ut for NOK, men eit svakt risikosentiment hindrar NOK styrking.
  • Me trur at Riksbankens rentemøte blir viktigare for NOK en Noregs Bank sitt møte denne veka.
  • Noko sterkare USD siste par dagar grunna økt geopolitisk risiko, men EURUSD framleis i 1,1450-1,1750 rangen me stort sett har sett i år.

Les mer


NOK med frisk bris i segla
  • Litt betra risikosentiment og høgare oljepris
  • Spekulantane på bana og kjøper NOK att.
  • Det fundamentale i norsk økonomi er framleis sterkt, men internasjonale forhold held den markante NOK styrkinga att.
  • Handelskonfliktar, Brexit og budsjettproblematikk i Italia tyngar marknaden, og vil vere fokus i oktober.

Les mer


Noregs Bank – ein potensiell gamechanger for NOK?

 

Ser ein på utviklinga i norsk økonomi har ikkje det gitt særleg støtte til NOK i 2018. Det er særleg det internasjonale risikosentimentet som i stor grad har styrt NOK bevegelsane så langt i år. Det komande rentemøtet i Noregs Bank har potensial til å kunne styrke NOK, men vil NB levere ei rentebane som har potensial til å bli ein gamechanger for NOK i 2018 eller vil internasjonale forhold framleis vere hovuddrivaren framover? Den som leve får sjå. Det einaste som er sikkert er at det komande rentemøtet vil gi NOK ei viss form for støtte, men ser ein 2018 under eitt verkar dei internasjonale forholda såpass usikre at risikopremien på NOK mest truleg ikkje forsvinn med det fyrste. Når det er sagt, så ser 2019 ekstremt lovande ut for norsk økonomi, og jo fleire handelsavtalar Trump og USA landar framover, jo betre risikosentiment, og jo lysare ser det ut. Det må på eit eller anna tidpunkt også slå ut i sterkare NOK. Før eller seinare.

Les mer


NOK – 2 månader med samanhengande motvind over sumaren.

Norske kroner har svekka seg mykje mot dei største valutaene sidan 1 juli 2018. Her følger ein oversikt over bevegelsen i dei mest handla kryss mot NOK over sumaren. Samt snittkursar for året i dei same kryssa. NOK svekkinga er ikkje eit resultat av fundamentale norske forhold, men eit resultat av meir uro internasjonalt. Noko eg vil forsøke vise. I tillegg er der ein viss samanheng i turbulente tider til at NOK/SEK blir sett litt under eitt, og med stor usikkerheit tilknytt svensk økonomi, og politiske situasjon har det prega NOK over sumaren til tider.

Les mer


NOK famlar i blinde…..
  • NOK og SEK slit i eit stadig meir utfordrande risikosentiment…
  • Usikkerheit kring det svenske valet tyngar skandinaviske valutaer
  • Riksbanken seier neste renteauke kjem i desember eller februar, og nedjustera rentebana med inntil 7bp i prognoseperioden.
  • Noregs Bank vil heve renta med 25 bp på komande rentemøte 20 september.

Les mer


NOK - Ikkje ei norsk historie..

Importvekta har NOK faktisk styrka seg noko over den siste veka grunna betra risikosentiment og stigande oljepris. Handelsvekta er NOK omlag 0,5 % sterkare målt ved I44, noko som hovudsakleg skuldast ei styrking mot USD på i overkant av 2 %. I tillegg har nedgang i GBPNOK og JPYNOK bidratt. Dog er dette snarare ei EURUSD, EURGBP og EURJPY historie enn ei NOK styrking, og summa summarum har me stort sett ei kontinuerleg NOK svekking over dei siste par månadane om me ser bort frå dei siste 5-8 dagane. Her følgjer ei lita oppsummering av den siste veka;

Les mer


Valutaoppdatering

EURSEK

Vanskeleg vere positiv til SEK på kort sikt etter inflasjonstalla i juli på 1,3 %. Det er godt under Riksbankens anslag, om ein justera for oppsvinget i energiprisar, og vil nok medføre at Riksbanken utset den førespegla renteauken i desember 18. SEK slit også med stigande internasjonal risikoaversjon, samt usikkerheit rundt valet den 9 september som kan vise seg å bli relativt dramatisk. Dette bidreg til eit dårleg SEK klima i Q3, og me ser føre oss ein 10,20-60 range ut året i hovudsak

Les mer


Valutaoppdatering

 

EURNOK

På rentemøtet i Juni stadfesta Noregs Bank ein renteauke på 25 bp i september, og løfta rentebana med minimum 5 bp for 2019 og 2020. Dette burde gitt ei markant sterkare krone, og me er særs overraska over at vi ikkje har etablert oss under 9,40. Handelskonfliktar, svakare internasjonal vekst, oljepris under press og tradisjonelt sesongmessig svak NOK i Juli kan nok forklare dette. Når likviditeten og aktiviteten tek seg opp utover i august, er me rimeleg overtydd om at NOK skal kunne gå sterkare mot dei fleste valutaer. Risk er sjølvsagt at handelskrigen eskalerer utover alle proporsjonar framover, eller eit ytterlegare markant fall i oljeprisen. I Q3 ventar me handel hovudsakleg i 9,30-50 rangen, og eit potensielt brot på nedsida av 9,30.

 

Les mer


Riksbanken

Det er rentemøte i Sverige komande tysdag og det knytte seg sjølvsagt ein del spenning rundt kva som skjer med den nye rentebana. Riksbanken nedjusterte denne seinast i april i år, og indikerte fyrste renteauke desember 2018. Marknaden har ikkje særleg tru på dette, og trur Riksbanken må vente til godt ut i 2019 før renteauka kjem. Fleirtalet har med andre ord tru på at rentebana vil nedjusterast igjen, men me stille oss litt tvilande til at det skjer allereie på dette møtet.

Det verkar meir sannsynleg å eventuelt gjere ei justering i september i staden, og heller kommunisere til marknaden i denne runda at utviklinga sidan sist har vore på den svake sida. Fasiten får me 3 juli.

Les mer


And the Winner is Norges Bank…

Førre torsdag la Noregs Bank fram si nye renteprognose, ei prognose som i utgangspunktet burde vore tolka som tilstrammande i marknaden. NB spikra septemberheving med 25 bp, og la fram ei meir eller mindre uendra rentebane for prognoseperioden 19-21, som i praksis vil seie to renteauker på 25 bp per gong årleg i perioden. I praksis vil det seie at me må forvente ei styringsrente på 2,0 % innan sumaren 2021. Ei september auke var berre prisa inn med om lag 60 % sannsyn i forkant, og det var elles innprisa i underkant av 25 bp i aukar årleg for prognoseperioden. Summa summarum burde difor torsdagens møte medført ei markant sterkare krone, noko som ikkje skjedde. Så kvifor ikkje?

Les mer


Vekerapport 23/2018
 
The mother of all macroweeks is done, it`s time to summarize….

 

Norge

Norges Bank har nok kome til den erkjennelsen at dagens pengepolitikk er for ekspansiv og at det no er dags for høgare renter. Veksten i norsk økonomi er høgare enn trendvekst, arbeidsmarknaden strammast ytterlegare til, kapasitetsutnyttinga er tiltakande, og lønnsveksten stig. Noko som igjen vart stadfesta av det regionale nettverket på tysdag. NB har tidlegare kommunisert at dei i pengepolitikken må avveie inflasjonsutsiktene mot utsiktene for produksjon og sysselsetting. Med andre ord, NB er ikkje like bekymra for låg inflasjon når utviklinga i realøkonomien er god. Implisitt betyr det at i periodar der det går underliggande godt i norsk økonomi vil NB bruke lenger tid på å få inflasjonen opp mot målet, og hensynet til eventuell oppbygging av finansielle ubalansar vil vege tyngre. Me er no i ein situasjon der bustadprisane stig, og gjeldsveksten aukar meir enn hushaldningane sine inntekter. Noko også IMF har uttrykt bekymring rundt.

Les mer


Vekerapport 22/2018

 

Sommaren er her…

Vèrmessig har den vore her ei stund allereie sjølv om det no meldast om lågtrykk neste veke på disse kantar. Blir det gråvêrsdagar også for NOK framover? Mykje avgjerast denne veka med regionalt nettverk og inflasjonstal, og resultatet av Noregs Bank veka etter. Samstundes har me neste veke rentemøte i både USA og Eurosona, og sjølv om ei renteauke er spikra i USA, og ECB var forventa fram til i førgårs og vere relativt nøytrale, knyttar det seg no vesentleg meir spenning til desse to møta enn det gjorde førre veke. ECB medlem Praet framsto meir haukete i si tale denne veka, og marknaden byrja å tru på at me kunne få vite noko rundt avslutninga og utviklinga for QE allereie på neste rentemøte. Frå USA knyttar det seg stor spenning til om det blir berre tre eller fire renteaukar i år, og vegen vidare for 2019. Denne veka vil avgjere mykje av kva me kan forvente av bevegelsar over sommaren. Og på toppen av det heile, har me G7 møtet i helga, der handel og tariffar sikkert nok vil stå øvst på agendaen. Me får ta ein ting av gongen;

 

Les mer


Vekerapport 21/2018
 
Noregs Bank – Septemberauke?

Torsdag 21 Juni kjem Noregs Bank med ny pengepolitisk rapport, der me forhåpentlegvis får eit endeleg svar på om me kan spikre fast ei renteauke på 25 bp i september eller ikkje. Denne veka har me fått tre avgjerande tall for kva me kan forvente i den komande inflasjonsrapporten. Det er tala frå oljeinvesteringane, detaljhandel samt dagens ledigheitstal.  EI vurdering av disse opp mot ei eventuell septemberauke finn ein under. Tyngda på vektskåla for Noregs Bank slik me ser det vil uansett vere inflasjonstala den 11 juni samt tal frå regionalt nettverk 12 juni. Per dagens dato og basert på gjeldande informasjon anser me ei renteauke i september som rimeleg sannsynleg.

Les mer


EURUSD – Sterk USD på kort sikt, men deretter svakare igjen.

 

EURUSD fortsette å teste lågare, og har på litt over ein månad gått frå 1,24 til rett i overkant av 1,15 i går ettermiddag. At USD skulle styrke seg litt kortsiktig var kanskje ikkje så overraskande i seg sjølv, men at bevegelsen skulle bli så stor på så kort sikt kom nok relativt overraskande på mange. I denne vetle teksten skal me seia litt om kvifor USD har styrka seg, og kvifor den sannsynlegvis vil halda seg sterk rundt disse nivåa på kort sikt, sei 3-6 månedar. Den har gått mykje allereie, og mykje EUR negativt verkar å vere innprisa. Nedsida her i frå bør difor vere eit lengre lerret å bleikje. Ser me lenger fram bør oppsida vere det føretrekte caset for den strategiske investor. Kvifor skal me komme vidare inn på.

 

 

Les mer


Vekerapport 20/2018

Status prognoser og anbefalingar så langt i 2018

EURNOK

Vi har vore særs positive til NOK i 2018 då vi såg føre oss et betre vekstbilete, eit strammare arbeidsmarknad og høgare oljepris. Av den grunn sa me difor også i Q1 at risikoen for ein tidlegare renteauke frå Noregs Bank enn fyrste kvartal 2019 var høgst reell, og at dette ville gagne NOK i 2018. Fyrste renteauke er framskunda til september og me nådde kursmålet vårt på 9,50 for Q1 allereie i midten av mars. Sidan det har NOK slitt noko på grunn av noko svakare nøkkeltal, mindre risikovilje grunna økt politisk og geopolitisk risiko, og me har etablert ein 9,47-75 range som vi no testa nedre del av. Marknaden prisar no i stor grad inn ein septemberauke, og det det skal mykje positive makrotal til framover for at ein tidlegare auke enn september skal kome på agendaen. Vegen vidare er difor usikker, og me ha vore tydelege på at me anbefala å ta delgevinstar på desse nivå. Årsaka til det er rimeleg enkel. NOK vil vere meir utsett for svake nøkkeltal framover enn gode.

Les mer


NOK det siste året – Ei forunderleg historie…

Både vi og dei fleste andre norske aktørar har vore svært overraska over den store NOK svekkinga vi har sett sidan sumaren 2017. Frå nivå rundt 9,30 til om lag 10 på toppen rett før årskiftet har vi derimot kome noko ned att, men burde vi kanskje kome noko lenger? Etter ein test av 9,50 av kurstargetet vårt for mars allereie i februar har EURNOK stort sett handla på 9,60 talet den siste månaden. Er pluss 9,50 det me kan forvente i EURNOK framover?? La oss difor gå gjennom alle variablar som blei nytta til å forklare NOK svekkinga i fjor, og om det framleis eksistera forklaringar ved disse som tilseier at NOK framover framleis skal handle på den svake sida. Det me trass alt ser er at oljeprisen er stigande, vekstmomentum i norsk økonomi er stigande og breiare basert, og rentedifferansen har auka mot utlandet. Implisitt burde det tradisjonelt sett styrka NOK.

Alle disse årsakene nedover blei i fjor haust nytta til å forklare den svake NOK utviklinga. La oss gå gjennom dei punkt for punkt.

Les mer


Vekerapport 19/2018

Denne veka

Makro

Dei to viktigaste begiveneheitene denne veka har vore rentemøtet i Noregs Bank og inflasjonstal frå Eurosona. Noregs bank haldt som venta styringsrenta uendra på 0,5 % i dag. Hovudstyrets vurdering er at den økonomiske oppgongen fortsette og at kapasitetsutnyttinga nærmar seg normale nivå. Underliggande prisvekst er derimot lav, men med høgare kapasitetsutnytting er det venta at prisveksten og lønningar vil auke framover. Hovudstyret vurderer oppgangen i norsk økonomi til å vere omlag i tråd med biletet som blei skissert i pengepolitikk rapport i mars. Utsiktene og risikobiletet tilseier framleis at styringsrenta vil bli satt opp etter sumaren i år. Ei heving i september ligg dermed fast, heilt i tråd med det me skisserte i forkant.

Inflasjonen i Eurosona fortset og vise ein svak tendens. Det var venta ein kjerneinflasjon på 0,9 % å/å, men den endte på 0,7 % å/å. Prognosen for ECB er 1,1 % for 2018, og me er no godt på nedsida av dette. Det skuffande talet kan delvis forklarast av påskeeffektar, men underliggande inflasjon er og blir ein verkebyll for ECB.  Slik det ser ut no er det relativt stort sannsyn ofr at ECB må fortsette aktivakjøp utover september, og at den forventa renteauken i 2019 skyvast ytterlegare ut i tid.

 

Les mer


Vekerapport 18/2018

Denne veka

Makro

Ei veke med ei rekke makrostørrelsar, der rentemøta i Sverige og ECB må seiast vere dei viktigaste veka sett under eitt.

Riksbanken reviderte ned rentebana i tråd med forventningane for både 2018 og 2019. Fyrste renteauke er no venta i Q4. Riksbanken gir heller ikkje noko støtte til SEK. Svekkelsen av SEK er ikkje ei bekymring for Riksbanken. Banken seier det er vanskeleg å forklare svekkelsen den siste tida, men at dei anser den for å vere midlertidig. Riksbanken forventar dermed ei styrking av SEK framover, men SEK ventast å vere svakare enn det dei såg føre seg på førre møte. Ting tyder på at ein er avhengig av svak SEK, auka importprisar, for å hindre at inflasjonen blir for låg. Riksbanken reviderte ned inflasjon dei neste to kvartala, men opp ved årskiftet. Dette er i tråd med å utsetje fyrste renteauke til Q4. Til tross for ei rentebane i tråd med forventningane handlar EURSEK no 13 øre svakare enn før møtet. 10,53. Mykje tyder på at marknaden ikkje trur heilt på Q4 likevel, at renta fyrst vil bli auka i 2019, samt at Riksbankens uttalelsar rundt SEK ikkje akkurat underbygga ei SEK styrking. Nedsida i EURSEK blir dermed eit stadig lengre lerret og bleike diverre.

Les meir


Vekerapport 17/2018

Denne veka

Det har vore ei stille og roleg veke. Eigentleg. Knapt nok bevegelsar i samtlege kryss, om me ser bort i frå GBP. GBPNOK har kome frå nivå rundt 11.15 til 10.95 her no i morgontimane. GBP starta veka med vind i segla etter veldig gode arbeidsmarknadstal måndag der både sysselsetting og lønsvekst var betre enn venta, og GBPNOK gjekk frå 11.05 til 11.15. Onsdag kom derimot inflasjonstalla ut 0,2 % svakare enn forventa, samstundes som detaljhandelen skuffa noko i går, det drog GBPNOK til om lag 11.00. Når sentralbanksjef Carney i tillegg sådde tvil om at det kjem noko renteauke i Storbritannia i mai i går ettermiddag tok det GBPNOK til 10.95. Me har derfor plukka delgevinst på vår short GBPNOK anbefaling  på 11- tallet i intervallet 10.95 – 11.05 her. Vår vurdering om at marknaden prisar inn ein for aggressiv Bank og England i 2018, trur eg skal bli meir framtredande utover. Vi opprettheld difor vår anbefaling av at GBPNOK er shortkandidat på 11 – talet, og at intervallet 10.80 – 11.15 framleis er intervallet å spele på.

EURNOK har om lag handla sidevegs heile veka pluss/minus 9,60. 9,63 på det høgste, og 9,57 på det lågaste. Ikkje akkurat veldig mykje å trade på. Vi anbefalte å ta på shortposisjonar frå 9,63 og høgare, og å ta delgevinst frå 57/58 og lågare. Det gjeld framleis. Same story i EURSEK eigentleg med 10,44 på toppen og 10,35 i botn. Vi har solgt i dette intervallet for kundar, og avventar ein noko større korreksjon då SEK verkar strekt. I vekerapporten for 2 veker sidan anbefalte med short CADNOK på nivå over 6,10, me ligg no 6,14 og har notert 6,20 på toppen. Short CADNOK i intervallet 6,10-20 står vi for fortsatt. I tillegg har vi anbefalt short SEKNOK over 93,50, noko som var eit kjempecase. Me har plukka gevinst for fleire under 92 denne veka. Short SEKNOK er framleis eit case for korreksjonar over 93. Ligg no 92,60.

Vi anbefalte også long EURUSD rundt 1,2230, og me handlar no 1,2330, etter å ha testa 1,24 så vidt denne veka. Nok ein fin trade, og long EURUSD under 1,2250 er framleis gjeldande, for gevinstplukking 1,2350 pluss. I JPYNOK held rangen 7,20-45 fortsatt, og me har plukka delgevinstar mellom 7,20 og 7,30 her. På sikt trur me at JPYNOK skal bryte på nedsida, og short JPYNOK på nivå 7,30 pluss er difor framleis gjeldande på eventuelle korreksjonar.

Les meir


Vekerapport 16/2018

Betraktningar rundt NOK

Oljepris

Me ser stadig kommentarar at utviklinga i oljepris p.t er ein viktig faktor for NOK. Historisk sett stemmer dette , men ser ein på charts det siste året fortel det ei litt anna historie. NOK og oljepris er framleis dekobla slik eg ser det. Oljeprisen spelar i beste fall ei rolle for NOK i andrerunde effektar gjennom at høgare oljepris, gir betre vilkår for oljenæringa, betre utsikter for oljesektoren, strammare arbeidsmarknad og potensielt høgare vekst framover. Med andre ord virkar høgare oljepris kanskje positivt på NOK, men då med eit visst tidsetterslep. Stigande oljepris betyr ikkje nødvendigvis sterkare NOK. Jamfør den siste vekas bevegelse.

Eit lite eksempel; Johan Sverdrup feltet. Med oljepris på 120 USD fatet i 2014, snakka ein om at Johan Sverdrup feltet ville vere lønnsomt med oljeprisar rundt 50-55 USD fatet. No viser det seg at feltet er lønnsomt på 20 USD fatet. Med andre ord bransjen, leverandørindustrien etc har gjennomført ein enorm kostnadsreduksjon dei siste 3-4 åra.  Så for dette feltet er det no like lønnsomt per fat med oppstart i 2019 på prisar på 70 USD fatet, som det vil vore med det gamle kostnadsnivået i 2014 på 100 USD fatet.

Les meir


Vekerapport 15/2018

“In this world nothing can be said to be certain, except death and taxes” -Benjamin Franklin

Synes denne setninga oppsumerar den siste vekas marknadsuro ganske fint. Trump raslar med sablane, spreiar relativt mykje usikkerheit i børsmarknaden, som også får store FX konsekvensar. Dog bjeffar Trump som regel meir enn han bit, slik at det godt kan hende at enden på visa av sagaen om tollbarrierar endar med konstruktive forhandlingar og eit leveleg utfall for begge partar i andre enden. For som han ein gong sa;

“Money was never a big motivation for me, excepts as a way to keep score. The real excitement was playing the game” -Donald Trump

Ein ting er i alle fall sikkert. Det vil vere eit spel framover. Det vil vere uforutsigbart, og mykje av marknadsbevegelsane vil i stor grad kanskje ikkje pregast så mykje av fundamentale økonomiske forhold på kort sikt, men, sagt litt på spissen, av «twitter tweeds», og nye opplysningar om tolltvisten mellom Kina og USA. Meir furore rundt dette, som denne veka har vore eit eksempel på, har tynga mindre valutaer som NOK/SEK, sjølv om i alle fall NOK har henta seg noko inn att etter ein topp på 9,71 i starten av veka. EURSEK vakar rundt 9.30, opp 25 øre sidan påskeveka. Utviklinga av denne tolltvisten vil nok prege marknadane i neste veke også.

Les meir


Vekerapport 11/2018

Noregs Bank bekreftar renteauke i september

I førre vekerapport annonserte vi at vi trudde på ei heva rentebane og ei bekrefting på at fyrste renteauke ville kome i september i forbindelse med
rentemøtet. Dette blei også utfallet, og det er også eit visst sannsyn for at den fyrste renteauken kan kome tidlegare, i juni, men dette vil avhenge
av nøkkeltalsutviklinga framover. Årsakene til ei framskunding av den fyrste rentehevinga begrunnar NB på om lag på fylgjande måte;

Dei påpeikar økonomisk oppsving hjå våre nærmaste handelspartnarar, og at dei globale rentene er på veg opp. Arbeidsmarknaden synes noko strammare enn
det ein tidlegare har lagt til grunn, og investeringstakten er høgare. Både veksten internasjonalt og her på bjerget ser ut til å bli noko høgare
framover enn det som tidligare er skissert, og lønnsveksten viser tiltakande styrke i enkelte land. Prisveksten heng derimot noko att jamt over heile fjøla.

Les meir


Vekerapport 10/2018

Renteauke i September

Det har vore ei travel veke i Noreg.  Finansdepartementet introduserte nye retningslinjer for pengepolitikken førre fredag ved å senke inflasjonsmålet frå 2,5 % til 2,0 %. Implisitt betyr dette at Noregs Bank allereie er nærmare målet, og at det slik sett tilseier større sannsyn for ein tidlegare renteauke. Eit inflasjonsmål på 2,0 % er i tråd med inflasjonsmålet til våre handelspartnerar. Hovudårsakene til lågare inflasjonsmål er at oljeinntektene no er lågare enn tidlegare, og at ein difor ikkje ser nokon avgjerande argument for at vi skal ha eit høgare inflasjonsmål enn andre land. NOK styrka seg umiddelbart 10-12 øre på nyhenda, ned mot 9.55, i og med at dette isolert sett opna opp for ein tidlegare renteauke, men bevegelsen var kortvarig. Trump og tollsatsar på aluminium og stål er det som hovudsakeleg har stått i fokus internasjonalt denne veka, noko som har prega børsstemninga og gjort investorar nervøse for ein potensiell handelskrig litt opp og fram. For ein liten og perifer valuta som NOK er ikkje dette eit godt klima, og vi har i løpet av veka handla i overkant av 9.70. Seinast i går formiddag.

Les meir


Vekerapport 9/2018

Valutamarknaden i Q1

 

Vi gjekk inn i 2018 med fylgjande anbefalingar i diverse valutakryss, sjå tabell under. I tillegg har vi i Q1 lagt på eit par case. I tabellen ser ein også status så langt.

Vi vil vidare gi ei vurdering av disse kryssa så langt i Q1, og for vegen vidare.

 

Produkt

Kurs / dato

Kursmål
3 mnd

Kursmål
6 mnd

Kursmål
12 mnd

Kurs 05.03.2018

EURNOK (Selg) 

9,8500 / 31.12.2017

9,5000

9,3000

9,1000

 9,62

SEKNOK (Selg)

1,0030 / 31.12.2017

0,9700

0,9500

0,9300

 0,9470

CHFNOK (Selg)

8,4250 / 31.12.2017

8,0500

7,8000

7,6000

 8,33

EURCHF (Kjøp)

1,1630 / 29.01.2018

1,18

1,19

1,20

 1,1540

EURSEK (Selg)

9,9950 / 22.02.2018

9,7800

 

 

 10,15

CHFSEK (Selg)

8,8200 / 05.03.2018

 

 8,3000

 

 8,80

 

Les meir for vår vurdering

Les meir


Vekerapport 7/2018

Høgare styringsrenter

Sidan Sist

Frå Noreg fekk vi førre fredag inflasjonstal for januar. Underliggande prisvekst endte på 1,1 %, noko som var godt under konsensus på 1,5 %, og Noregs Banks anslag på 1,4 %. NOK svekka seg umiddelbart 7-8 øre på dette i kjølvatnet av tala. Verdt å merke seg er at det var særleg sal på kle som trakk inflasjonen ned, og dette vil korrigerast når salet er over. I tillegg trakk flyprisar i same retning, desse er derimot volatile, og kan kjapt reverserast. Summa summarum var det difor ein del støy i januartalla, og Noregs Bank ser nok litt gjennom fingrane på dette talet når det gjeld utarbeidinga av den nye rentebana i mars. Inflasjonstalet for februar vil derimot bli særs viktig for å bekrefte Noregs Banks syn om at inflasjonen over tid er tiltakande.

Frå USA fekk vi derimot ein prisvekst som var høgare enn forventningane. Kjerneinflasjonen auka med 0,35 %, medan det var venta 0,2 %. På årsbasis haldt difor inflasjonen seg på 1,8%, mot konsensus på 1,7 %. Den underliggande prisveksten dei siste tre månadane viser no ein årleg trendvekst på 2,9 %, i overkant av inflasjonsmålet, og breiddt basert. Den sterke prisveksten spikra renteheving i mars frå FED, og auka sannsynet for fire kontra tre rentehevingar frå FED i år. Marknaden prisar no inn ca 20 % sannsyn for 4 rentehevingar. Som nemnd i førre vekerapport har auka inflasjonsforventningar, og dertil høgare styringsrenter ført til ein korreksjon på børsane dei siste 14 dagane. Talet sendte børsane umiddelbart i raud, men dei globale vekstutsiktene, samt selskapsinnteninga er stadig god, slik at det verste fallet har roa seg denne veka, og vi ser teikn til svak børsoppgang att.

Les meir


Vekerapport 5/2018 

Børsuro og svakare NOK.

Sidan sist

Veka har vore prega av fallande børsar over heile fjøla, og dei fleste indeksar er ned 8-10 % dei siste dagane. Reprisinga i aksjemarknaden er hovudsakeleg drive av økte inflasjons- og renteforventningar. Eit skift som fekk vind i segla med den amerikanske sysselsettingsrapporten førre fredag. Rapporten indikerte ein lønnsvekst på 2,9 % i USA, noko som er det sterkaste talet for lønnsvekst sidan 2009. Dette bidrog til at marknadsaktørane i større grad fekk tru på at det kan kome fire renteaukar frå FED i år. Større sannsyn for ein betydeleg oppgang i styringsrentene har dratt dei lange marknadsrentene ein del høgare, noko som implisitt betyr økt diskonteringsrente. Dette gir implisitt lågare verdi av framtidige kontantstraumar og ergo noko lågare aksjeprising.  

I tillegg har ein i praksis hatt ein 14 månaders ukorrigert børsoppgang jamt over, noko som er særs uvanleg. Når ein då fyrst får ein korreksjon er det naturleg at psykologi/frykt pregar bevegelsen, og det kan difor gå rimeleg fort på kort sikt, slik vi har sett dei siste to tre dagane. I dag er det derimot brei børsoppgang på dei fleste børsar globalt, så det virkar kanskje som det verste er over. Stadig litt tidleg å konkludere, men vi er overtydd om at dette i verste fall er ein korreksjon på 10-15 % snarare enn eit potensielt børskrakk. Hovudårsaken til det er at den globale veksten er sterk og bredt fordelt. Verdsøkonomien er i ein oppgangskonjunktur.

Børsuro og stigande fryktindeks, VIX, er ikkje positivt for vår vetle og lite likvide krone. NOK har den siste veka svekka seg omlag 20 øre mot EUR og 25 øre mot CHF på det verste, sjølv om vi no har korrigert ein 7-10 øre sterkare att. Noko lågare oljepris dei siste dagane, frå 70 til 67 USD fatet har nok også bidratt litt til svekkinga. Når det er sagt så bør denne korreksjonen nyttast til å løde opp med NOK att, for som vi skal sjå er det fundamentale i norsk økonomi på den sterke sida.

 

Les meir


Vekerapport 4/2018 

 

EURO 1.25

Hovedpunkter:

  • EUR tester nye topp nivåer
  • Oppgang i obligasjonsrenter i USA, Europa og Norge
  • Tendens til sterkere krone mot EUR og USD
  • Forventninger-anbefalinger

EURUSD har steget 15 % de siste 12 månedene og toppet ut i overkant av 1.25 etter rentemøtet i ECB I forrige uke.

En kombinasjon av sterke nøkkeltall fra Eurosonen  og det faktum  at spekulative aktører har bidratt med store volumer på kjøpssiden har presset kursen oppover er noe av forklaringen.

Lange internasjonale renter fortsetter videre opp,  spesiellt i USA, hvor 10 års swaprente har steget med 30 basispunkter. Norske renter følger det samme mønsteret men ikke i like stor grad. I etterkant av rentemøtet i desember har markedsrentene steget etter at NB hevet rentebanen. Det er i segmentet 2-3 år at rentene har steget mest , noe som i hovedsak kan skyldes endrede forventninger til sentralbankene fremover.

Les meir


Vekerapport 3/2018 

NOK konsolidering

Den siste ukas bevegelse i EURNOK har vært preget av konsolidering. Kanskje ikke så unaturlig, etter det betydelige fallet fra toppen på 9,99 like før jul, til test av 9,60 i kjølvannet av positive inflasjonstall fra Norge forrige onsdag. Det vil si fra 21. desember til 10. januar. Altså et fall på nærmere 40 øre i løpet av 20 dager, og halvparten så mange handledager. Småpent, det. Den siste uken har vi således svingt innenfor relativt smale 9,60-9,70.

En del større utenlandske aktører har nok hoppet ned fra gjerdet de satt på i desember, og kjøpt norske kroner i 2018. Tradisjonen tro. De anså sannsynligvis NOK som billig også i desember, men hadde stengt bøkene for året for å unngå negative tall på tampen av handleåret 2017. I tillegg er Norges Bank på banen igjen, med sine daglige NOK-kjøp på 900 mill. Dette gir også en mer balansert flow enn vi så mot tampen av fjoråret. Krone-kjøperne står ennå ikke i kø, men er iallfall tilbake på banen. Understøttet av en høyere oljepris, positive aksjemarkeder og jevnt over gode nøkkeltall fra Norge den siste tiden, forklarer det den gode krone-trenden fra og med innspurten i julestria.

Les meir

Vekerapport 2/2018 

På tampen av 2017

NOK fekk regelrett juling frå oktober og ut året i 2017, noko som fundamentalt sett var vanskeleg å gi ei god forklaring på. Sterkare vekst, økt rentedifferanse mot utlandet, høgare oljepris og god risikovilje i marknaden burde eigentleg resultert i sterkare NOK.

Likevel fekk vi ei massiv svekking, og vi noterte om lag 10.00 som det høgast mot EUR rett før sjølve julekvelden. Svekkinga blei hovudsakeleg forklart av usikkerheit rundt bustadmarknadsutviklinga i Noreg og Sverige, og vi såg at NOK byrja å handle med ein viss risikopremie. I tillegg fekk vi dekobling mot oljepris, som kanskje skuldast at internasjonale aktørar no byrjar å prise inn at Noreg må forvente lågare vekstimpulsar og inntekter frå oljeeventyret framover. Samstundes har vi likviditetseffekten for NOK på tampen av året, samt sesongmessige faktorar som gjerne gir noko svakare NOK særskilt i desember. Og til slutt noko større redsle for at vekstutviklinga i Kina skal utvikle seg negativt, noko som gjorde at råvarevalutaer jamt over svekka seg i Q4 mot EUR og USD. Uansett ei NOK svekking i Q4 som meir var prega av frykt for at noko kunne komme til å skje snarare enn reelle fundamentale økonomiske forhold. Det låg difor litt i kjømda at NOK skulle styrke seg fyrste del av 2018.

Les meir

Vekerapport 50/2017 

Norges Bank – Ein gamechanger?

Norges Bank haldt som venta renta uendra på 0,5 % i går, men heva også rentebana i den korte og lange enden. NB ser føre seg eit gjennomsnittleg rentenivå i Q1 19 på 74 basispunkt, noko som nesten indikera ei full rentenedring på 25 basispunkt allereie i desember 18. Vi ser enkelte vurdera dette til eit sannsyn på ca. 70-80 %. Dette var vesentleg meir aggressivt enn venta, og betydeleg strammare enn september rapporten, som indikerte fyrste renteauke i andre halvår 19.

 

Les meir

Vekerapport 48/2017 

NOK - Svekking

Den siste månaden har vore meget tøff for NOK. Dårlegare detaljhandelstall enn venta førre veke, ned -0,2 % frå september til oktober, sendte NOK over 9.80, og vi noterte vel rundt 9.93 på deg høgaste. Nest høgaste notering i EURNOK sidan finanskrisen i 2008. Det finnes ingen god forklaring på dette anna enn det som tidlegare er nemnt. Frykta for att bustadprisane skal falle såpass mykje at forbrukarane strammar til livreima, og dempe den økonomiske veksten er hovedtrigger. Samt at utlendingane forventar mindre oljeinntekter for Noreg framover.

 

Les meir

Vekerapport 47/2017

Sidan sist

Det har vore ei røff veke for NOK og SEK, og tysdag/onsdag førre veke svekka disse to valutaene seg om lag 30 øre på knappe to døgn. Vi har over dei to siste vekerapportane argumentert for at det eksisterte ein viss risiko for at ein kunne teste 9,60 og 9,80 nivåa i EURNOK og EURSEK. Dette på bakgrunn av tekniske brudd på oppsida av rangen frå i sommar...

 

Les meir

Vekerapport 45/2017

Skrevet av Kay Ove Hafsås/Ålesundkontoret

"Every once in a while, the market does something so stupid it takes your breath away." - Jim Cramer

Sidan sist

Sidan sist har vi hatt ei veke med nokså positive norske nøkkeltal utan at dette har slått noko særleg ut I sterkare NOK.

Arbeidsledigheita sank med 0,1 % til 2,4 % i oktober...

 

Les meir

Vekerapport 44/2017

Skrevet av Kay Ove Hafsås/Ålesundkontoret

NOK fortsatte svekke seg førre veke, både før og etter Noregs Bank. Rangen frå i sommar 9.25-45 er brutt på oppsida, noko vi påpeikte ein viss risiko for i førre vekerapport. Ingen nye signal frå Noregs Bank, men ECB framsto nok noko meir duete enn forventa under pressekonferansen, sidan ECB signaliserte at ein ikkje kan forvente noko renteendring før godt ut i 2019. EURUSD korrigerte frå 1,18 til 1,16 i kjølvatnet av denne. Slik sett kunne ein kanskje ha forventa at EURSEK og EURNOK også korrigerte noko ned frå 9,68 og 9,47...

 

Les meir

Vekerapport 43/2017

Skrevet av Kay Ove Hafsås/Ålesundkontoret

Denne veka er det rentemøtet i Riksbanken, Noregs Bank, og spesielt ECB som vil vere i fokus torsdag. Det er nok hovudsakleg rentemøtet i ECB det knytter seg mest spenning til, sidan ECB vil offentleggjere sin plan for forlenginga av obligasjonskjøpa frå årskiftet på det komande møtet.

 

Les meir

Vekerapport 42/2017

Skrevet av Kay Ove Hafsås/Ålesundkontoret

Noko sterkare NOK siste veka mot dei fleste valutaer. Delar av styrkinga kan tilskrivast noko høgare oljepris, no 58 USD fatet, men mesteparten må sjåast i samanheng med svake inflasjonstal frå Sverige som medførte massive stop loss i SEKNOK. Dette har dratt NOK sterkare på bekostning av SEK. SEKNOK var ned nesten 1,5 figurar på det meste, frå 98.50 til 97.10 ca, men har no korrigert tilbake til 97.50 om lag. Inflasjonsutsiktene fortset dermed og bekymre Riksbanken, og sidan sentralbanksjef Ingves fekk ei ny femårs periode, har dette samla sett bidratt til noko svakare SEK den siste veka.

 

Les meir

Vekerapport 41/2017

Skrevet av Kay Ove Hafsås/Ålesundkontoret

"To hell with circumstances, I create opportunities” -  Bruce Lee

Grafane nedanfor måle importvekta kronekurs mot 44 valutaer, I44, historisk sett. Når grafen er høg er NOK svak, og når den er lav er NOK sterk. Som vi ser var NOK på sitt sterkaste i 2012, medan vi no handlar NOK i eit intervall som er om lag det svakaste vi har sett dei siste 35 åra. 

Les meir